Video nga momenti i arrestimit të autorit të dyshuar për vrasjen e 23-vjeçarit shqiptar në Ankona është publikuar nga mediat italiane, të cilat kanë njoftuar se ai e kishte ende në duar shtizën me të cilën vrau shqiptarin.
Viktima është Klajdi Bitri, një punëtor 23-vjeçar me origjinë shqiptare, banues në Ankona.
Vrasësi i cili ishte arratisur me një makinë të errët është ndaluar nga karabinierët e stacionit Falconara pak para orës 21:00. Bëhet fjalë për një 30-vjeçar algjerian me banim po në provincën e Ankonës.
