Dy punonjës policie në Lezhë janë pezulluar nga puna. Ndaj tyre ka nisur hetim administrativ për shkelje të rëndë të procedurës standarde të punës.
Reagimi i policisë erdhi pas publikimit të një video në rrjetet sociale, ku inspektorët A. Ç. dhe K. Ll. të dy punonjës së Patrullës së Përgjithshme në stacionin e policisë në Shëngjin u filmuan duke përfituar para në mënyrë të paligjshme gjatë ndalimit të automjeteve.
“Policia e Shtetit falënderon qytetarët dhe median që denoncojnë raste të tilla, si dhe i siguron ata se është e vendosur për të larguar nga radhët e saj, cilindo punonjës që do të abuzojë me detyrën”, thuhej në reagimin e policisë.
/a.r
