Sipas të dhënave të Organizatës Botërore të Shëndetësisë (OBSh) javët e fundit ka rritje të numrit të personave të prekur nga sindroma Zika në Brazil, Kolumbi, El Salvador dhe Venezuelë. Tani, virusi Zika është përhapur në më shumë se 40 vende.
Për herë të fundit rasti i infektuar me virusin e shfaqur në Brazil është konstatuar në një student mjekësie 28-vjçar nga Venezuela. Një person në Teksas të Shteteve të Bashkuara të Amerikës është diagnostikuar me virusin Zika. Bëhet e ditur se virusi në fjalë javën e kaluar është shfaqur edhe në Francë. Ministrja franceze e Shëndetësisë, Marisol Touraine deklaroi se një grua që ishte kthyer nga Brazili dhe që jeton në Paris ishte infektuar me virusin Zika.
Ministrja Tourain tha se një numër i madh rastesh janë regjistruar edhe në Guinenë Franceze, në Martinik dhe Guadalupa (një grumbull ishujsh në pjesën lindore të Detit të Karaibeve që varen nga Franca). Njoftohet se raste të infektimit me virusin Zika janë regjistruar edhe në Evropë, konkretisht nga dy vetë në Gjermani dhe Zvicër dhe një person në Danimarkë.
