Enkelejd Alibeaj ka mbledhur Kryesinë dhe grupin parlamentar këtë të Hënë. Sipas gazetares së Klan News, Klesiana Omeri takimi do të zhvillohet në zyrat e reja të marra me qira në zonën e Ish-Bllokut.
Në zyrat e reja është vendosur logoja e Partisë Demokratike, ndërsa punimet kanë përfunduar.
Sipas gazetares, ende nuk dihet se sa do të zgjasë kjo mbledhje, ndërsa në fokus të diskutimeve janë kandidatët për zgjedhjet lokale të 14 Majit.
Mësohet se në mbledhje janë prezentë deputetët: Eralda Tase Bane, Orjola Pampuri, Dhurata Çupi, Zheni Gjergji, Ferdinand Xhaferraj, Bledion Nallbati, Gazment Bardhi, Kreshnik Çollaku, Merita Bakiu, Enkelejd Alibeaj dhe Selaudin Jakupllari.
Kryesia dhe grupet e punës janë ngritur për kandidatët: Taulanta Jupi, Indrit Sefa, Roland Bejko, Xhemal Bushati, Fitim Zekthi, Jonila Godole, Taulant Zeneli, Marash Logu, Agron Kapllanaj, Endri Hasa, Bujar Hoxha
dhe Xhemal Gjunkshi.
Kujtojmë se grupimi i Alibeajt ka zyrtarizuar kandidatët për vetëm 17 bashki, ku mungojnë ato kryesoret.
Ndërkohë, Komisioni Qendror i Zgjedhjeve ka vënë si afat të fundit 16 Mars për regjistrimin e kandidatëve për të gjitha subjektet zgjedhore.
/a.r
