33-vjeçari nga Mikonos, i cili të hënë vrau 34-vjeçarin shqiptar Julian Kosova, i cili sipas Protothema rezulton me dy emra, edhe Visar Dakramaj, pritet që të transferohet në burg në Athinë. Sipas asaj që shkruan Protothema, autori i vrasjes do të shprehet se ka qenë i dehur dhe i hutuar.
Kjo gjë ka ndikuar në gjykimin e tij gjatë sherrit me 34-vjeçarin. Pritet që ai të pendohet për veprimin e tij, me shpresën se do të ketë lehtësi gjatë gjyqit. Persona pranë 33-vjeçarit thonë se nuk bëhet fjalë për krim pasioni.
“Vajza për të cilën pati një keqkuptim, nuk kishte një lidhje me Thanasin. Viktima fyeu vajzën dhe të dy përfunduan duke u zënë. Si pasojë e pijes gjërat morën një kthesë të papëlqyeshme”, thonë ata.
Ndërkohë persona të afërm të 34-vjeçarit shqiptar treguan se babai i tij ka qenë oficer policie në Shqipëri, ndërsa i vëllai jetonte në Angli ku punonte në ndërtim.
Për shumë vite, viktima pati punuar në një ishull si elektricist. Në këtë kohë ai mundi që të merrte një shtëpi luksoze në Chora. Këtë banesë ai ia jepte me qira turistëve për 800 euro nata gjatë muajve të verës.
Kjo shtëpi kishte qenë ëndërr për të. Ai planifikonte që ta rinovonte dhe të bënte një pishinë me synimin që t’i rriste vlerën dhe ta jepte më shtrenjtë me qira.
Po ashtu, edhe autori dhe familja e tij janë të njohura në zonë pasi kanë një hotel në ishull. Motra e tij është këshilltar bashkie në Mikonos.
/a.r
