Bilanc tragjik, mbi 6,300 viktima nga tërmeti në Turqi e Siri, të paktën 30 mijë të plagosur

Të paktën 6,326 njerëz në Turqi dhe në Siri kanë mbetur të vdekur si pasojë e tërmetit me magnitudë 7.8.

Sipas Agjencisë së Menaxhimit të Fatkeqësive dhe Emergjencave të Turqisë, numri i të vdekurve në Turqi ka shkuar në të paktën 4,544.

Ndërkohë numri i viktimave në Siri ka shkuar në më shumë se 1,782. Sipas “Helmetave të Bardha” të Sirisë, më shumë se 970 njerëz kanë vdekur në zonat e kontrolluara nga opozita. Nga ana tjetër, sipas Agjencisë Shtetërore të Lajmeve SANA, në zonat e kontrolluara nga qeveria, numri i të vdekurve është 812.

Sipas shifrave nga qeveria turke, Helmetat e Bardha dhe media shtetërore siriane, të paktën 30,474 persona kanë mbetur të plagosur në të dy vendet.

/a.r