Filloi sot në Këln gjyqi ndaj një 45-vjeçari, i cili u shfaq si kujdestar për të gjurmuar viktimat e tij, në një rast të madh të abuzimit seksual të fëmijëve.
Burri përballet me pothuajse 100 akuza për abuzim seksual për vepra të kryera ndërmjet viteve 2005 dhe 2019. Ai pozoi si kujdestar i fëmijëve në platformat online për të kontaktuar familjet.
Burri i martuar nga qyteti Yermelscherzen pranë Këlnit dyshohet se ka shkëmbyer foto pornografike me fëmijë dhe video të një “brutaliteti të paimagjinueshëm” me një numër të madh burrash.
Prokurorët kërkojnë deri në 15 vite burg për të pandehurin, avokati i të cilit para fillimit të gjyqit deklaroi se do të pranonte fajësinë.
Çështja mori përmasa të mëdha, pasi çoi në hetime të shumta të mëtejshme ndaj të pandehurve të tjerë.
Në një rast të veçantë në Frankfurt sot, katër të pandehurve iu dhanë dënime të ashpra për përfshirjen e tyre në një platformë online të pornografisë për fëmijë, të njohur si Boystown.
Një 49-vjeçar nga Bavaria u dënua me 12 vjet burg dhe një 42-vjeçar nga qyteti verior i Paderbornit me 10.5 vjet.
Të dy burrat u akuzuan për abuzim të rëndë seksual dhe përdhunim të fëmijëve përveç përfshirjes së tyre në platformë dhe për këtë arsye do të mbahen në paraburgim.
Një tjetër i pandehur – një burrë 60-vjeçar që ishte arrestuar në Paraguaj – u dënua me tetë vjet burg, ndërsa një 66-vjeçar nga Hamburgu u dënua me shtatë vjet.
Studiuesit arritën të rrëzojnë platformën vitin e kaluar. Ishte platforma më e madhe në internet për pornografinë e fëmijëve, me 400,000 përdorues nga e gjithë bota.
/e.d
