Senati rumun ditën e sotme i hoqi imunitetin ish-ministrit të Brendshëm me akuzën për abuzim me detyrën në një çështje të cilësuar përfitim abuziv ndaj eskortës policore, e cila e detyroi Prokurorin e Përgjithshëm të japë dorëheqjen.
Rreth 102 deputetë votuan pro heqjes së imunitetit, për të mundësuar nisjen e hetimit kundër Gabriel Opreas, kundrejt 31, të cilët votuan kundër.
Oprea u bëri thirrje kolegëve të tij para votimit për të mbështetur kërkesën e Prokurorisë Kombëtare Antikorrupsion (DNA), në formë vërtetësie të pafajësisë së tij nga Gjykata.
Oprea ka qenë ministër në qeverinë socialdemokrate të Viktor Pontas, pas dorëheqjes në fillim të muajit nëntor, shkak i zjarrit të rënë në një diskotekë në Bukuresht, një ngjarje e rëndë ku u regjistruan 60 të vdekur.
Ai është i dyshuar në këtë çështje se ka përdorur eskortën policore për qëllime personale, në shkelje të ligjit.
