“Jam Evropë”, preludi i gjallë i muzikës tonë kombëtare

Portret  për “Mjeshtrin e Madh” të muzikës Profesor Naim Gjoshi

Pergatiti Artur Ajazi

Edhe pse i ka mbushur para pak ditëve 72 vitet, ndjehet i ri, energjik, krijues, dhe mbi gjithçka punon duke mos njohur ditët e javës. Aktivitetin e tij Profesori Muzikës dhe Korit Naim Gjoshi, e ka patur gjërësisht në Shqipëri, kurse në 2 dekadat e fundit, ai është kompozitori më i kërkuar në Kosovë.

Por kush është Naim Gjoshi

Ai  ka mbaruar Akademinë e Arteve në vitin ’69-’73, dega e muzikës specialiteti “Dirigjent Kori”. Diplomën e ka mbrojtur në vitin ’74 me korin e “TEATRIT të OPERAS dhe BALETIT”, Tiranë. Për arsye biografike emërohet si “Përgjegjegjës Muzike” në pallatin e kultures te qytetit te Burrelit, rrethi Mat. Ka punuar atje në deri në vitet ’90. Aktiviteti i tij krijues, ka nisur në Mat, ku sapo mbaroi Institutin e Arteve, nisi të mbledhë këngë folkrorike matjane, epiken liriken, etj. Mbi keto intonacione ndertoi dhe kompozoi këngen qytetare matjane qe jane te njohura dhe sot ne rrethin e Matit dhe me gjere. Po mbi këto formacione këngësh folkrorike ndrëtoi dhe kompozoi muzikën e valleve dhe melodive instumentale matjane. Ne vitet ’80 bashkëpunon dhe realizon koncertin me “Lirika Matjane” me grupin shume te njohur “Na Bashkoi Kënga Popullore”. Ky koncert u filmua ne RTSH dhe beri shume jehonë në gjithe trojet shqipatre. Nga partiakët e asaj kohe u kritikua  ashpër sepse “koncertit i mungonte kënga për Partine e Punes”…

Ne vitin ’91 vjen në Librazhd me dëshirën e tij.Njohja me folklorin e luginës së Shkumbinit, i dha shume tinguj të rinj krijimtarisë tij. Bashkepunimi me “Mjeshtrin e Madh” Sadi Halili, beri që të asimilojë e përpunojë shume motive e valle të kësaj treve te begatë…. Në qytetin  e Librazhdit, zgjedh kengetaret Hatixhe Lushi dhe Margita Kola me kenge popullore shkumbinase, të perpunuara duke ju dhënë tingëllim tingellim qytetare. Po ne bashkepunim me Mjeshtrin Sadi Halili, dhe me mbeshtetjen e pushtetit vendor, ka realizuar 6  edicione te “Valles Dyshe”, aktivitet kombetar dhe më gjerë.Me ndryshimin e sistemit krijimatrisë së Naim Gjoshit, ju çelën shtigje të reja. Njohja me kengetaret kosovarë, të trevave shqiptare të Maqedonise e Malit te Zi, beri që kenget e tij, të shtegëtojnë në të gjitha viset shqipetare.

Nga bashkepunimi me shume këngëtare bëri të mundur realizimin e disa koncerteve, ku mund të përmendim, koncert recital me kengetarin e njohur Selami Kolonja (Shtator ’94), në Prill te vitit ’98 kur Kosova digjej flakë nga lufta per liri, Naim Gjoshi realizon koncertin recital “Homazh per Kosoven” (i pari koncert ne shkalle kombetare e mbarëkombëtare) me kengetarin  Ilir Shaqiri, me pranine e aktoreve të mëdhenj si Reshat Arbana, Kadri Roshi, Margarita Xhepa,etj. Ky koncert u rregjistrua i plote nga RTSH dhe nga transmetimet e përditshme i parapriu më pas, koncerteve te tjera Homazh për Kosovën, qe u realizuan në të gjitha  trojet shqiptare. Në Maj te vitit 2006 ka realizuar koncertin tjeter recital me këngetarët kosovarë, Violete Kukaj, Fahrush Azemi, Hysni Klinaku dhe kengetaret e qytetit te Librazhdit Hatixhe Lushi dhe Liljana Stafa.

Ka nje bashkepunim të gjërë me shume këngëtare të trevave shqipetae, si Ilir Shaqiri, Shkurte feza, Selami Kolonja, Violete Kukaj, Miranda Hashani , Besiana Mehmeti, Shkodran Tolaj, Vellezerit Dervishi, etj… Krijimatria   e tij, trajton me shumë temen e atdhedashurisë, dhe flamurit. Jane shumë te njohura kenget e tij si, “JAM EVROPE” (Ilir Shaqiri), “Poçari” (S.Kolonja), “Udhët e Mia” ( kënmduar nga Ilir Shaqiri), “MALE O JU MALE (Selami Kolonja), “MORA FJALE”- kushtuar komandantit legjendar Adem Jashari, “ERDHI DITA E PAVARSISE”- kushtuar pavarsise se Kosoves etj… Shumë këngë të tjera të Prof. Naim Gjoshit, kanë kryesisht frymën popullore, dhe  jane bere “pronë” shpirterore e njerzve te tjeshtë. Profesor Naimi, është nderuar me shumë urdhëra dhe medalje, si “Naim Frashëri” i Klasit të Tretë, “Qytetar Nderi” i Burrelit, “Qytetar Nderi i Beleshit”, “Nderi Dumresë”, me “Mirënjohja” nga Shoqata e Veteraneve te Kosovës, por nderimi më i madh, atij i është bërë nga ish-Presidenti Kosovës Hashim Thaçi me titullin “Mjeshtër i Merituar”. Zoti Thaçi, ka vlerësuar vazhdimisht rolin e kontributin e Profesor Gjoshit në rritjen dhe zhvillimin e muzikës kosovare, si dhe ka vlerësuar  atë si një “atdhetar i paepur në mbështetjen e çështjes së Kosovës”. Profesor Naimi, nuk rresht së punuari dhe kompozuari, duke mos njohur lodhjen dhe pushimin. Ai mbetet gjithmonë pranë këngës, melodisë, artistëve, duke mos u shkëputur nga misioni  dhe profesioni i tij.