Edhe përgjatë ditës së nesërme vendi ynë do të karakterizohet nga mot i kthjellët me temperatura të larta, ku vlerat maksimale pritet të arrijnë në 41 gradë celcius.
Përgjatë dy ditëve të fundit Shqipëri është përfshirë nga i nxehti afrikan, i cili do të vijojë edhe ditën e nesërme.
Ndërkohë që duke nisur nga dita e shtunë e në vijim temperaturat do të ulen ndjeshëm sa i përket vlerave maksimale, si dhe do të rikthehen reshjet e shiut në të gjithë territorin.
Era do të fryjë me drejtim nga kuadrati i jugut dhe shpejtësi mesatare 1-6m/s, ndërsa përgjatë vijës bregdetare dhe zonat luginore era me rrahje dhe shpejtësi deri në 10-15m/s.
Vlen për tu theksuar fakti se: për shkak të lagështirës së lartë në ajër, mbulimit të herëpashershëm të kupës qiellore me vranësira, dhe erës jugore; temperaturat nesër do të ndihen disa herë më të larta për trupin e njeriut krahasuar me ato që regjistrohen në kafazin meteorologjik.
Temperaturat parashikohen:
në zona malore 19 deri 37°C
në zona e ulëta 19 deri 41°C
në zona bregdetare 22 deri 37°C
/e.d
