Kryeministri i Spanjës, Pedro Sanchez do të zhvillojë nesër (1 Gusht) një vizitë zyrtare në vendin tonë. Ceremonia pritëse Pedro Sanchez do të zhvillohet në orën 08:45, jashtë ambienteve të Kryeministrisë, ndërsa orën 11:00 kryeministri Edi Rama dhe homologu i tij spanjoll do të mbajnë një konferencë e përbashkët për shtyp.
Vizita e kryeministri spanjoll vjen në kuadër të një turi që ka zhvilluar në disa shtete të Ballkanit Perëndimor, që përfshin Serbinë, Malin e Zi, Bosnje Hercegovinën, Maqedoninë Veriut dhe Shqipërinë, por nuk ka vizituar Kosovën.
Spanja është një nga pesë vendet e BE-së që nuk e kanë njohur Kosovën si shtet të pavarur. Por, javë më parë ky shtet ka dhënë shenja pozitive në përkrahje për liberalizimin e vizave për Kosovën. Sipas raportimeve të mediave spanjolle, presidenti Sanchez me këtë vizitë synon “riaktivizimin, ringjalljen dhe rigjallërimin e procesit të zgjerimit” të Bashkimit Evropian (BE-së) në këtë rajon.
