Qindra fëmijë ukrainas janë vrarë në sulmet ruse që nga fillimi i konfliktit në shkurt, sipas zyrtarëve ukrainas. Zyra e Prokurorit të Përgjithshëm tha se 344 fëmijë kanë vdekur dhe më shumë se 640 janë plagosur në luftë, shkruan skynews.
Megjithatë, ka të ngjarë që ky numër të rritet. Shumica e fëmijëve të vrarë janë raportuar në rajonin lindor të Donetskut, ku janë përqëndruar sulmet gjatë javëve të fundit. Megjithatë, rreth 185 viktima u raportuan në Kharkiv, 116 në rajonin e Kievit, 68 në Chernihiv dhe 61 në Luhansk.
Viktimat e tjera janë raportuar në Mykolaiv, Kherson dhe Zaporizhia.
“2,102 institucione arsimore u dëmtuan për shkak të bombardimeve dhe nga forcat e armatosura të Federatës Ruse. Prej tyre, 215 janë shkatërruar plotësisht”, thanë autoritetet ukrainase.
g.kosovari
