Ndeshja e vlefshme për takimin e parë çerekfinal për Kupën e Shqipërisë mes Vllaznisë dhe Skënderbeut u shoqërua me incidente në fushë dhe jashtë saj. Në minutën e 34′ të pjesës së parë, Marku dhe Ademir në dyluftim për topin u përplasën mes tyre duke mbetur të lënduar në fushë.
Pas ndihmës së dhënë nga stafet teknike ndaj lojtarëve, u kërkua ndërhyrja e ambulancës që ndodhej në ambientet e stadiumit të Shkodrës, raporton Panorama Sport.
Pasi u transportuan në ambulancë në drejtim të spitalit më të afërt, lojtarët u përcollën me duartrokitje nga tifozëria në impiantin sportiv.
Nga ana e tyre, trajnerët bënë zëvendësimet duke futur në fushë Radas dhe Pjeshkën.
Gjatë kësaj kohe, në shkallët e stadiumit u konstatuan edhe tensione mes policisë dhe tofizëve në “Reshit Rusi”, shkruan Panorama.
