‘Procesi i zgjedhjeve s’do të ndërpritet’/ Noka: S’do lejojmë askënd ta pengojë për shkak të frikës që ka Basha-Alibeaj

Anëtari i Komisionit të Rithemelimit, Flamur Noka në një prononcim për mediat i është përgjigjur deklaratave të bëra sot nga kryetari i grupit parlamentar të PD, Enkelejd Alibeaj, i cili e quajti procesin e zgjedhjeve në bazë ‘përçarës të partisë dhe i njëanshëm”.

Sipas Nokës, zgjedhjet për kryetarët e degëve që po zhvillohen nga Komisioni i Rithemelimit, nuk do të ndalen.

Ai tha se “jemi gati që me grupe auditi të verifikohet cdo procedurë zgjedhore”, por që “në asnjë rast procesi i nisur prej muajsh nga Kuvendi i 11 dhjetorit, nuk do të ndalojë”.

“Mirëpresim të gjithë ata që janë bërë apo po bëhen pjesë e këtij procesi por s’do lejojmë askënd ta pengojë atë për shkak të frikës që Basha- Alibeaj kanë nga përballja me votën e demokratëve.

Koha e pengmarrjes së opozitës dhe PD ka marrë fund. Ne deputetë apo anëtarë të thjeshte jemi t detyruar të pranojmë vendimet e Kuvendit të 11 dhjetorit.

Askush s’ka tagër ta diskutojë atë apo aq më pak të anulonte vendimet e tij”, u shpreh Noka.

g.kosovari