HTC ka konfirmuar se para-porositë për modelin e ri të pajisjes së re të realitetit virtual, HTC Vive, do të fillojnë në fund të muajit shkurt.
Lajmi i publikuar në The Telegraph vjen një javë pas lajmërimit të Vive Pre, pajisjes së teknologjisë inovative për lojëra që përfshin kamerën kryesore dhe disa komanda të ri-dizajnuara.
Siç është thënë edhe më parë, Vive do të lansohet gjatë prillit, megjithatë detajet për çmimin ende nuk janë bërë të ditura.
Sipas disa spekulimeve, Vive do të kushtojë më shtrenjtë se Oculus Rift, që është lansuar me çmim fillestar prej 599 dollarëve.
