Kur tensionet Ukrainë-Rusi janë në kulm, Presidenti rus Vladimir Putin, i ka ofruar azil politik në Moskë, ish-presidentit të Ukrainës, Petro Poroshenko.
Sipas liderit rus, Poroshenko është një subjekt i persekutimit politik nga presidenti aktual Volodimir Zelenski dhe se oferta për të dhe të tjerë që kanë fatin e tij është ende në tavolinë.
“Jemi të gatshëm t’i ofrojmë azil politik ish-presidentit të Ukrainës Petro Poroshenko dhe të tjerëve që përballen me persekutimin politik nga Kievi.
Kam shprehur gatishmërinë gjithmonë se nëse do të kishte ndonjë vështirësi në të ardhmen, Rusia ishte e gatshme t’i jepte atij azil politik edhe pse ne kemi këndvështrime serioze të kundërta.”
/b.h
