Më në fund, Armando Broja realizon golin e tij të parë në Premier League. Në ndeshjen e tij të parë si titullar me fanellën e Southampton, në sfidën kundër Leeds United, sulmuesi kuqezi arrin të gjej dhe golin e tij të parë. Në minutën e 53-të, Southampton del me një kundërsulm të shpejtë, Broja ndjek mirë aksionin dhe i vetëm përballë portierit e ka të lehtë të dërgojë topin në rrjetë, një gol që më në fund çliron talentin shqiptar që i përgjigjet në këtë mënyrë atyre që mendojnë se nuk është ende gati për të nisur një sfidë nga minuta e parë.
