Një grup qytetarësh të një kombësie tjetër, para godinës 24-25 në qytet studenti, krijuan dyshimet se ishin shtetas afganë dhe kishin mbërritur për strehim në Shqipëri.
Por një burim i tha Top Channel se këta emigrantë ilegalë janë të një kombësie tjetër dhe janë nxjerrë nga godinat, pasi nuk janë nga kontingjenti që pritet të vijnë nga Afganistani për strehim.
“Nuk janë afganë, por disa emigrantë të një kombësie tjetër të cilët do të nxirren prej aty se nuk janë nga kontingjenti që pritet të strehohen në godinat 24-25”, i tha burimi Top Channel.
Ata janë marrë nga autoritetet që merren me emigrantët dhe janë dërguar për të kryer procedurat e nevojshme.
Këta persona, janë nga Bangladeshi dhe kanë ardhur të punojnë në Shqipëri. Ata janë larguar më pas nga policia nga Qyteti Studenti për tu akomoduar në vendin që u është caktuar.
g.kosovari
