Gjykata e Elbasanit ka vendosur ditën e sotme që të lirojë nga qelia duke lënë në masën e sigurisë detyrim paraqitje, djalin e vogël të Azem Hajdarit, i cili mban edhe emrin e babait të tij të ndjerë dhe shokun e tij Ergi Gjumsi 21-vjeç.
Prokurori Ritvan Skura kërkoi caktimin e masës së sigurisë arrest me burg me afat një muaj deri në kthimin e përgjigjes nga instituti i mjekësisë ligjore.
Por gjyqtari Taulant Tafa në senacën me dyer të mbyllura vendosi që të rrëzonte prokurorin dhe të pranonte kërkesën e avokatit duke liruar djalin e Hajdarit.
Mbrëmjen e 23 korrikut ai u kap me drogë në makinë nga policia e Elbasanit.
Të nesërmen, Hajdarit dhe shokut të tij Ergi Gjumsi policia i komunikoi arrestimin pasi në momentin e ndalimit iu gjetën 5 doza lëndë narkotike e dyshuar kanabis, por sot u lirua nga gjykata.
/b.h
