Në 24 orët e fundit në Shqipëri fatmirësisht nuk është shënuar asnjë humbje jete dhe vetëm 8 raste të reja me COVID-19 nga 4136 testime, ndërsa të shëruarit janë gjashtë. Tetë rastet janë shënuar në këto bashki: 4 raste në Tiranë, nga 1 rast në Durrës, Elbasan, Sarandë, Kolonjë.
Aktualisht janë 101 pacientë aktivë me COVID-19 në të gjithë vendin. Në spitalin Infektiv po marrin trajtim spitalor të specializuar 8 pacientë. Me gjashtë qytetarët që janë shëruar gjatë 24 orëve të fundit numri në total i atyre që e kanë fituar betejën me COVID-19 nga fillimi i pandemisë ka shkuar në 130059.
Ministria e Shëndetësisë dhe Mbrojtjes Sociale ju bën apel qytetarëve, që të vijojnë të zbatojnë me përpikmëri rregullat për parandalimin e COVID19 dhe të mos neglizhojnë asnjë shenjë të sëmundjes. Për çdo dyshim, kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Statistika (14 Korrik 2021)
Raste të reja ditore 8
Të shëruar në 24 orë 6
Të shtruar në spitale 8
Humbje jete në 24 orë 0
Testime ditore 4136
Testime totale 843,439
Raste pozitive 132,616
Raste të shëruara 130,059
Raste Aktive 101
Humbje jete 2,456
Shpërndarja gjeografike e rasteve aktive sipas qarqeve:
Tiranë 43
Elbasan 11
Fier 10
Vlorë 10
Korçë 8
Shkodër 6
Lezhë 5
Durrës 4
Kukës 2
Gjirokastër 2
/b.h
