Piloti 32-vjeçar Babis Anagnostopulos ka deklaruar se vrasja e gruas së tij Caroline nuk ka qenë e planifikuar. Para prokurorit, ai kërkoi falje duke deklaruar se me aktin e tij shkatërroi dy familje dhe të ardhmen e fëmijës së tij dhe u përpoq të hedhë poshtë provat në dosjen e çështjes që tregojnë se krimi ishte i planifikuar.
32-vjeçari i paraqiti një kërkesë hetuesit që të kryejë një ekspertizë për kamerën që u gjet brenda shtëpisë për të verifikuar se kur është hequr karta e memories. Ai tha se e hoqi kartën e memories pas krimit dhe jo para tij dhe e ndau atë në copa dhe më pas e hodhi në tualet.
Babis ka kërkuar të thirren dëshmitar mes miqve dhe familjeve të çiftit për të folur në lidhje me marrëdhënien që ai kishte me 20-vjeçaren Caroline.
Kjo kërkesë është bërë për të mbështetur pretendimin se ai kishte një marrëdhënie të mirë me të shoqen. 32-vjeçari aktualisht ndodhet para prokurorit duke iu përgjigjur pyetjeve në lidhje me atë që ndodhi natën e krimit të rëndë.
/b.h
