Ministrja e Punëve të Jashtme, Olta Xhaçka ka përgëzuar vendimin e Këshillit Europian për të përfshirë Shqipërinë në vendet, të cilave u rekomandohet t’u hiqen kufizimet e udhëtimit.
Në një reagim në Facebook, Xhaçka shprehet se tashmë qytetarët shqiptarë mund të udhëtojnë drejt BE me të njëjtat rregulla që vlejnë edhe për qytetarët e Bashkimit Evropian.
“Këshilli i Bashkimit Evropian ka rekomanduar Shqipërinë në listën e vendeve të cilat mund të rifillojnë lëvizjen e lirë drejt vendeve të Bashkimit Evropian.
Tashmë, qytetarët shqiptarë mund të udhëtojnë drejt vendeve të Bashkimit Evropian sipas të njëjtit regjim me qytetarët e BE.
Një zhvillim shumë i rëndësishëm i cili njeh arritjet e Shqipërisë në luftën kundër COVID-19. Kujdes! Disa prej vendeve të BE mund të kenë protokolle specifike edhe pas këtij rekomandimi të fundit, ndaj duhet të lexoni informacionet e përditësuara rast pas rasti.
Në linkun e mëposhtëm, gjeni rekomandimin e sapopublikuar të Këshillit”, shkruan Xhaçka në Facebook./m.j
https://www.consilium.europa.eu/en/press/press-releases/2021/06/18/council-updates-the-list-of-countries-special-administrative-regions-and-other-entities-and-territorial-authorities-for-which-travel-restrictions-should-be-lifted/?fbclid=IwAR2IYrzvpS3TePh9ZQacawMdLytZ_CYMuSVDx4Am_bNVBZ7tbEfyyKldJCo
