LSI letër KQZ: Kërkojmë të na vihen në dispozicion pamjet filmike të çdo qendre votimi

Pas Partisë Demokratike edhe Lëvizja Socialiste për Integrim kërkon nga KQZ pamjet filmike të Qendrave të Votimit në të gjithë vendin.

Në një letër dërguar Komisionit Qendror të Zgjedhjeve, përfaqësuesi ligjor i LSI, Altin Kaziaj shprehet se:

“Në përfundim të procesit zgjedhor për Zgjedhjet për Kuvendin e datës 25 prill 2021, si subjekt zgjedhor me interes të ligjshëm në këtë proces, kërkojmë nga ana juaj vënien në dispozicion të kopjeve të pamjeve filmike (video) të kamerave të Qendrave të Votimit për 5199 QV-të në rang vendi dhe kopje të materialit elektronik të 5199 pajisjeve PEI në rang vendi”.

LSI kërkon që vënia në dispozicion e tyre të bëhet brenda një afati sa më të shpejtë.

/a.r