Policia e shtetit ka dhënë informacionin zyrtar në lidhje me përplasjen e autobusit në Tiranë. Bëhet e ditur se aksidenti ka ndodhur pas përplasjes që autobusi ka pasur me një mjet tjetër. Ndërkohë, për pasojë kanë mbetur të lënduar 4 pasagjerë të cilët janë dërguar në spital.
NJOFTIMI:
Në Qendër, janë përfshirë në një aksident një mjet autobuz me një mjet tjetër. Si pasojë e aksidentit janë lënduar lehtë 4 pasagjerë të mjetit autobuz të cilët u dërguan në spital, për kontroll mjekësor.Grupi hetimor ndodhet në vendngjarje dhe po punon për zbardhjen e rrethanave të aksidentit.
Aksidenti ndodhi në orët e para të mëngjesit të ditës së sotme. Autobusi i linjës së ‘Kopshtit Zoologjik’ u përplas me murin e Ministrisë në qendër të Tiranës, duke lënë disa persona të plagosur.
g.kosovari
