1350 mësues në Shkodër do të vaksinohen. Procesi ka nisur sot ndërsa vetë mësuesit thanë se kanë qenë të gatshëm të vaksinohen por ka dhe nga ato që kanë refuzuar.
Drejtorja e Zyrës Vendore të Arsimit Blediana Nika tha se është larg mendësh që të ketë penalizime për mësuesit që refuzojnë vaksinën pasi nuk është me detyrim.
“Zyra vendore arsimore në Shkodër nis procesin, procesi do aplikohet sipas një kalendari. Këtu është dhe një formular kur një person refuzon të bëjë vaksinën.Vaksina nuk është e detyrueshme punonjësit mund ta refuzojnë në bazë të formularit të shpërndarë. Mësuesit janë kategori e personave që janë shumë të mirëinformuar kemi qëndruar në kontakt me të gjithë pjesën sepse është një proces shumë i rëndësishëm. Vënia në dispozicion e vaksinës ska pse të ketë hezitime. Nuk ka pse të ketë penalizimi nuk është e arsyeshme. Dikush mund të ketë dhe probleme shëndetësore një pjesë e mësuesve edhe e kanë kaluar”, tha ajo./a.p
