Gwaladys Williams, 94 vjeçare është bërë gruaja më e vjetër në Angli që ka tatu, shkruan gazeta Mirror.
Ajo stampimin në trupin e saj ia ka kushtuar stërmbesës së saj, të cilën e do shumë.
Williams e ka tatuazhuar krahun e saj me dy zemra dhe një dedikim për stërmbesën e saj. Ajo ka 58 stërnipër dhe ideja për të bërë tatu i ka ardhur në vitet e fundit.
Tatunë e parë e ka bërë në moshën 87 vjeçare, në kujtim të njërës nga vajzat e saj.
Mesazhi i saj i fundit në tatu “Leri & Nain Forever” i është dedikuar stërmbesës së saj Leri Ann. Gruaja 94 vjeçare, ka thënë se këtë dedikim e ka bërë për shkak se e do shumë stërmbesën e saj dhe se mendon që nuk do të jetë për shumë kohë në jetë që t’i shijojë momentet me të.
Stërgjyshja e 58 stërnipërve, ka thënë se procedura e vizatimit të tatusë, e cila është një shpim me gjilpëra në lëkurë nuk ka qenë aspak e dhimbshme për të.
E pyetur se cili është sekreti i jetëgjatësisë së saj, ajo ka thënë se kujdeset shumë për veten, duke ngrënë për mëngjes një vezë të zier, dhe duke mos e anashkaluar asnjëherë drekën.
