Lorik Cana po mendon të tërhiqet nga kombëtarja e Shqipërisë pas finaleve të Euro 2016 në Francë.
Kapiteni kuqezi e ka bërë deklaratën në Prishtinë, ku Shqipëria do të ndeshet sot në orën 14:00 me Kosovën.
Ai tha se po mendohet për të ardhmen dhe për këtë do të bisedojë me trajnerin Gianni De Biasi pas finaleve.
“Pas kampionatit europian do të ulem me familjen dhe De Biasin e do të bisedojë rreth të ardhmes time”, tha Cana në konferencën për media.
Duket se kapiteni i Shqipërisë mund të ndjekë të njëjtën rrugë si ish-kapiteni i Gjermanisë, Philipp Lahm, i cili u largua nga kombëtarja menjëherë pasi arriti kulmin e karrierës, triumfin në botëror.
Edhe për Canën, ashtu si për të gjithë kuqezinjtë, kualifikimi në finalet europiane është një kulm i paarritur më parë.
