Mediat në Perëndim po referojnë për opsionin e një pushtimi të plotë të Ukrainës nga Rusia duke referuar burime të ndryshme amerikane.
Shërbimet amerikane të inteligjencës kanë shpërndarë lajme sipas të cilave deri në mesin e muajit shkurt, Putin do të ketë grumbulluar 150 000 trupa në kufi me Ukrainën që konsiderohet një forcë e mjaftueshme për të realizuar një operacon pushtimi të mbarë vendit.
Të njëjta burime shkojnë më tej duke vlerësuar se brenda 48 orëve forcat ruse do të kenë marrë Kievin, rrëzuar presidentin Volodymyr Zelenskiy me pasoja 25 000-50 000 civilë të vdekur, 5000-25 000 ushtarë ukrainas të vrarë dhe 3000-10 000 ushtarë rusë të vrarë.
Alarmi mbi situatën shkon më tej teksa shërbimet amerikane parashikojnë një valë refugjatësh prej 5 milionë njerëzish, ndërkohë që pak ditë më parë, SHBA deklaroi se ka të dhëna se Rusia po relaizon një material video sipas të cilit inskenohet një sulm nga Ukraina që do të shërbejë si pretekst për ta sulmuar atë.
Kremlini vetë ka hedhur poshtë këto zëra duke deklaruar se nuk ka plan të sulmojë Ukrainën, edhe pse ka kërkuar vazhdimisht që Perëndimi të ndalojë zgjerimin në Lindje të NATO-s, çka nënkupton në kontekstin aktual se një pranim i mundshëm i Ukrainës në Aleancë, nuk do të kalojë pa luftë dhe pa ndarjen e saj territoriale.
g.kosovari
Ku e mori dipllomen ki njeri kur flet per nji gje qe esht e mundur por nuk dote ndodhe pse Rusija nuk esht ne plan per ta sulmuar Ukrainen por per ta mbrojtur veten ,Putini don nga Ukraina qe te behet nji shtet me federate qe dy pravincat e donbasit te marin pjese ne ate federate ,dhe kerkesa kryesore e Putinit esht qe Ukraina ta haroj Krimean ,por fajtoret kryesore esht perendimi ku flasin shum dhe nuk zbatojne asgje,