Shkrimtarja, Flutura Açka ka bërë një rrëfim emocional me rastin e 8-vjetorit të largimit nga jeta të të birit.
Ish-deputetja e Partisë Demokratike thotë se tani lufton për fëmijët e të tjerëve edhe pse është keqkuptuar ndonjëherë.
Postimi i plotë në Facebook:
Ka ditë kur dhimta merr peshën e së padurueshmes. Dhe, në kësi ditësh, é bëj shuk botën, atë botën time dhe é fus në strajcën ku ruajmë gjërat é fundit.
Çfarëdo mjeti të zgjedhësh për të ardhur shpejt, asgjë nuk é ka shpejtësinë e kujtimeve, që kanë ngrirë në muzeun e jetës sime vetanake.
Kjo, ikja jote, ishte barra e vetme që doja ta mbaja vetëm. Jam kërrusur, por eci. Luftoj për fëmijët é të tjerëve, jam përpjekur të luftoj sipas mënyrës sime. Jam keqkuptuar ndonjëherë, por vazhdoj.
Sepse nuk më shkon të jem zbrazët kur të piqemi. Sepse nuk më shkon të jem lëshuar në këtë rrugë të gjatë sa durimi dhe të shkurtëra sa padurimi prej mungesës.
Tetë vite janë tetë grimherë të përmasës së pranisë!
Ju lutem, Miq, pa ngushëllime!
