8-Marsi festohet ndryshe në Durrës/ Shkallët e galerisë mbushen me këpucë të kuqe si simbol i humbjes së grave nga dhuna

Në ditën ndërkombëtare të gruas, shkallët e galerisë “Nikolet Vasia” në Durrës u mbushën me këpucë të kuqe si simbol i humbjes së jetës së grave si pasojë e dhunës barbare të ushtruar mbi to.

Sipas të dhënave të INSTAT, qarku i Durrësit ka numrin më të lartë të grave të dhunuara dhe kjo nismë kërkon ndërgjegjësimin e të gjithëve për këto fakte tronditëse.

Ngritja e zërit mund të parandalojë raste të tjera dhune dhe mund të frenojë vrasjen e një tjetër gruaje. Këtë 8 Mars, nisma “Këpucët e kuqe” vjen për herë të parë në Durrës.

Që prej vitit 2009, këpucët e kuqe të Elina Chauvet, artistes meksikane që humbi motrën si pasojë e dhunës në familje kanë shëtitur botën. Prej më shumë se një dekade “Këpucët e kuqe” vijnë si simbol i humbjes së grave nga dhuna.

g.kosovari