8 Dhjetori njihet ndryshe si dita kombëtare e rinisë, një ditë që shenon edhe 26 vjetorin e vendosjes së pluralizmit në Shqipëri.
Në këtë datë, në vitin 1990, një grup studentësh e pedagogësh të Universiteteve të Tiranës, banorë të qytetit “Studenti”, u bënë iniciatorë e protagonistë të kthesës së madhe historike, cka solli rënien e komunizmit dhe lindjen e demokracisë.
Akti i tyre publik, sa qytetar aq edhe politik, i dha fund në mënyrë paqësore epokës të gjatë të vetëizolimit dhe të sundimit ideologjik, duke i hapur kështu rrugën ekonomisë së tregut dhe shoqërisë së hapur.
Studentët protestues të dhjetorit ’90 kishin aspirata dhe ideale të larta kombëtare, të cilat mbeten shkolla më e mirë e demokracisë. Me shprehjen “E duam Shqipërinë si gjithë Europa”, ata kërkuan ngritjen e sistemit të vlerave perëndimore dhe të shtetit të së drejtës; integrimin në Europë dhe garantimin e pluralizmit politik, si bazë kryesore për një shoqëri të lirë e demokratike.
8 Dhjetori është shpallur nga Kuvendi i Shqipërisë si Dita Kombëtare e Rinisë, në kujtim të Lëvizjes Studentore të vitit 1990. Ndaj në kuadër të kësaj dite, sot do të organizohen aktivitete të shumta në kryeqytet.
Për herë të parë do të inaugurohet Zyra për Bashkëpunim Rinor për Ballkanin Perëndimor, e cila qëndrën e saj do ta ketë në Tiranë.
Drejtoresha e Shërbimit Kombëtar për Rinisë, Ina Goci, në një prononcim për ATSH-ne dha mesazhin e saj për të rinjtë.
“Sot, gjashte shtetet, Shqiperia, Maqedonia, Mali i Zi, Bosnje- Herzegovina, Kosova dhe Serbia, po bejne realitet ëndrren e Ballkanit Perendimor mbi Rinine, ate të ngritjes së Zyrës Rajonale për Bashkëpunim Rinor, i pari institucion ndërkombëtar në Shqiperi, Tiranë. Kemi marrë sot e per ta vazhduar me devotshmeri, përgjegjësine e madhe të bashkëpunimit më frytdhenes, atij rinor”, tha Goci. Më tej ajo vuri në dukje se kjo zyrë intitucionalizon të gjitha cështjet rinore të Ballkanit Perëndimor, me qëllim promovimin e vlerave demokratike dhe qytetarisë.
“Nga sot merr jete motorri rajonal dedikuar të rinjve të rajonit, pasi ne besojmë tek rinia e Ballkanit Perendimor”, nënvizoi Goci. /a.m.
