PDIU dhe Shoqata Çamëria ka zhvilluar sot një pelegrinazh në Varrezat e Kllogjerit në Konispol, në kuadër të 75-vjetorit të genocidit grek mbi shqiptarët e Çamërisë.
Kreu i PDIU-së, Shpëtim Idrizi, gjatë fjalës së tij, tha se çështja Çame do t’ia vlejë gjithmonë për të luftuar për të, dhe se shqiptarët nuk do t’i thonë kurrë lamtumirë Çamërisë, por do të “punojnë fort për të vendosur drejtësinë në vendin që i takon”.
“Fatkeqësia më e madhe për ne do të ishte harresa, sepse nuk ka komunitet të vogël apo kumi unitet të madh. Shqiptarët e Çamërisë tregojnë se nuk jemi asimiluar, por do të luftojmë deri sa të mbetet edhe çami i fundit. Harresa është më e keqe se sa morti. Në këtë 75-vjetor nuk do të qajmë për fatin tonë tragjik, por do të punojmë për të gjetur drejtësi. Kokën e kemi në Çamëri, sepse aty kemi pronat”, tha ai.
Idrizi akuzoi edhe politikën shqiptare e cila, sipas tij, nuk ka bërë asgjë për çështjen e Çamërisë.
Nuk i thamë dhe nuk do t’i themi; Lamtumirë. Ne shqiptarët e Çamërisë jemi popull vital. Edhe sikur çami i fundit të mbetet, do ta vendosim për të na prijë drejt Çamërisë. Jemi për të marrë forcë dhe për të treguar se Çamëria nuk është e shqiptarëve të Shqipërisë. Ne duhet të hyjmë në vendimmarrje dhe të shtyjmë përpara, sepse rrugë tjetër nuk ka. Nuk ka forcë që na ndaj, kohë që na ç’bën, sepse ne kokën e kemi deri sa këmbët do të na çojnë në Çamëri, Ia vlen miqtë e mia, që çështja çame. Rroftë Çamëria dhe ju faleminderit”-tha Idrizi.
