Një aksident i rëndë ka ndodhur mesditën e sotme në afërsi të Bilishtit.
Një mjet ka përplasur një person me motor e për pasojë, drejtuesi i motorit është plagosur rëndë.
Sipas policisë 60-vjeçari ishte duke drejtuar motorin kur është përplasur nga një makinë.
Personi i plagosur është transportuar drejt spitalit, ndërsa drejtuesi i mjetit është shoqëruar në polici për tu bërë veprimet e mëtejshme.
Grupi hetimor ndodhet në vendin e ngjarjes.
Rastet e aksidenteve kryesisht me mjetet tip motor në Qarkun e Korçës së fundmi janë rritur masivisht, ku drejtuesit kanë humbur edhe jetën.
g.kosovari
