Edi Rama tha në pritjen e zhvilluar në kryeministri me rastin e festave të nëntorit, se lufta ndaj terrorizmit dhe ISIS, është një betejë që duhet luftuar, me kushtin që pas saj, paqja, të mos humbasë. Duke lidhur fatin dhe Shqipërinë në “anën e duhur të historisë”, kryeministri Rama shtoi se lufta kundër terrorizmit, e cila cënon perëndimin e njerëzimin njëkohësisht, nuk duhet të përcaktojë axhendën e vendeve.
“Sot ndjehemi të kërcënuar haptas nga diçka më e errët se nazizmi. Sot 29 nëntori duket edhe më i çmuar dhe frymëzues, para kërcënimit, para se të shfaqej armiku më i ri i njerëzimit. Ne duhet të luftojmë terrorizmin dhe nuk duhet kurrsesi të lejojmë që terrori të përcaktojë axhendën tonë. Të fitojmë luftën, por pa humbur paqen.”- tha Rama.
