Historia që u trajtua disa ditë më parë në studion e emisionit “Me Zemër të Hapur” kishte të bënte me një 70-vjeçare, nënë e dy fëmijëve, e cila mbërriti në studio për të denoncuar bashkëshortin dhe dy djemtë e saj. Sipas rrëfimit të saj, ata i kanë hedhur shumë baltë mbi imazhin dhe personalitetin e saj.
70-vjeçarja tregoi se prej më shumë se tre vitesh jeton e ndarë dhe larg familjes së saj. Ajo rrëfeu gjithashtu se, edhe pse jetojnë jashtë kufijve shqiptarë, në Itali, edhe atje është krijuar një situatë e rëndë, ku ajo ndihet e turpëruar në sytë e njerëzve që e njohin familjen.
Sipas saj, të dy djemtë e kanë dhunuar dhe e kanë detyruar të largohet nga shtëpia, ndërsa bashkëshorti nuk i ka ofruar asnjëherë ndihmën e nevojshme. 70-vjeçarja ndau me publikun edhe dhimbjen dhe zhgënjimin e saj për mungesën e mbështetjes familjare.
“Bashkëshorti nuk më ka mbrojtur kur jam dhunuar nga djali. Personave që na njohin, u ka thënë se unë jam e sëmurë dhe së më kishte dërguar në psikiatri. Ndërkohë unë isha në shoqatë. Deri para një viti nuk mendoja se doja të jetoja. Isha në shoqatë për mbi dy vite, ku vetëm qaja nga gjithë situate e akumuluar në rreth 50 vite”, tha ajo.
