Një vajzë 7-vjeçare e cila kishte humbur në xhunglën e Kolumbisë teksa ishte duke mbledhur arra kokosi me prindërit e saj, është gjetur pas afro tri javësh, raporton Reuters. Qindra forca policore morën pjesë në operacione shpëtimit nga toka dhe ajri të 7-vjeçares Jessica Patricia Arias, në veri të Kolumbisë.
Ajo u gjet në kushtet e një dehidratimi mesatar në një kasolle të braktisur, pas një telefonate anonime në polici që tregonte vendndodhjen e saj.
Autoritet lokale bënë të ditur se vajza kishte lëndime serioze në këmbë, që vërtetojnë faktin se duhet të ketë përshkuar distanca të mëdha, ndoshta në kërkim të një rrugëdaljeje. Nëna e Jessica, Elena Cortes tha se ‘Zoti e ka ndihmuar atë të mbijetojë kaq ditë’. “Falënderoj Zotin dhe policinë kombëtare”, tha ajo për mediat.
