Mësoni nga ekspertët dhe nuk do të kaloni kurrë më ‘netë të bardha’
Edhe mjekët e specializuar për shqetësimet e gjumit kanë probleme me pagjumësinë ndonjëherë, por kjo jo për shumë kohë pasi ata u drejtohen menjëherë metodave të specializuara për të rënë në ‘krahët e gjumit’. Nëse dhe ju i merrni në konsideratë dhe i praktikoni do shihni rezultate të habitshme, me gjumë të shpejtë dhe të qetë përgjatë gjithë natës. Sipas Huffingtonpost këto janë 7 truket për t’u ndjekur në rast pagjumësie:
Luani me flluska sapuni
Mund të duket qesharake, por luajtja me flluska sapuni (ashtu siç bënit kur ishit të vegjël) para se të flini, mund tju ndihmojë të bini në gjumë më shpejt, shpjegojnë specialistët. Kjo sipas tyre ju ndihmon të largoni mendjen nga “shqetësimet” dhe të qetësoni trupin dhe mendjen. Megjithatë, nëse nuk do t’a bënit kurrë një gjë të tillë, atëherë rekomandohet dhe një lloj teknike tjetër meditimi duke bërë ushtrime me numërimin e frymëmarjes tuaj për një kohë që varion nga 5 në 15 minuta. Sapo ta bëni këtë mendja juaj do të nisë të relaksohet (dhe padyshim që do të ndodhë), siç tregojnë dhe studimet e bëra deri më tani, pasi kjo ndihmon në uljen e presionit të gjakut dhe në ritmin e rrahjeve të zemrës, duke reduktuar ankthin e duke sjellë gjumin.
Shpërqëndroni mendjen
Ndoshta e keni dëgjuar se krevati duhet përdorur vetëm për dy gjëra: për të fjetur dhe për të bërë dashuri. Ndonëse ndonjëherë dhe leximi është mjaft i këndshëm, shpjegon psikologia klinike e New Yorkut Janet K. Kennedy. Rrotullimi nëpër krevat në mënyrë të vazhdueshme është stresues dhe shkakton lëshimin e madh të andrenalinës, që e bën akoma më të vështirë përgjumjen, ndaj zgjidhja është të shpërqëndrohesh duke lexuar një libër relaksues çka do të lërë lodhjen fizike të marri kontrollin e trupit duke ju vënë menjëherë në gjumë. Një tjetër opsion është hiptonizimi, duke u fiksuar në një tjetër vend, duke imagjinuar një lojë golfi ose vrap, çka ul ankthin dhe nxit mekanizmin e gjumit.
Ulni tonet
Dëgjimi i muzikës së qetë e relaksuese ndihmon në përgjumjen dhe për më tepër do të kete përfitime dhe mbi kohën dhe thellësinë e gjumit shpjegojnë mjekët specialistë. Kërkimet tregojnë se ritmet e lehta dhe tonalitetet e ulëta mund të pakësojnë frekuencën kardiake dhe presionin e gjakut duke sjellë qetësimin e trupit. E njëjta gjë funksionon me zhurmën e dallgëve të detit apo të pikave të shiut që bien lehtë.
Ushtrohuni gjatë darkës
Një studim i fundit, i zhvilluar në Zvicër, zbulon se kryerja e një stërvitje intensive prej 90 minuatsh në mbrëmje, para se të flini, mund të sjellë gjumin pasi redukton nivelin e kortisolit, hormonit të stresit.
Harrojeni orën
Pasi të keni fikur dritën, mos e kontrolloni më orën, edhe nëse zgjoheni në mes të natës sygjeron doktor Nathaniel F. Watson, drejtues i Akademisë Amerikane të Mjekësisë së Gjumit, i specializuar në trajtimin e shqetësimeve me gjumin. Nëse e bëni këtë gjë do të nisni të mendoni sa kohë keni kaluar në shtrat dhe sa ju mbetet të flini deri në mëngjes dhe mendime të tilla si matja e kohës së gjumit që ju mbeten për të fjetur ndikojnë negativisht, duke krijuar ankth e duke ju mbajtur zgjuar për më tepër kohë.
Gjithashtu rekomandohet gjithashtu të mbahen sa më larg pajisjet elektronike, apo që ndriçojnë.
Bëni një listë planifikimi
Nëse keni shumë gjëra që ju mundojnë e që duhet t’i bëni sa më parë, zgjidhja është t’i shkruani diku sipas rëndësisë dhe prioritetit që kanë duke i nxjerrë nga koka në mënyrë që të mos jenë një mendim i vazhdueshëm duke ju stresuar e duke ju penguar të relaksoheni. Kur shetësoheni nga probelme të ndryshme, truri nuk mund të qetësohet sepse është gjatë gjithë kohës aktiv duke përpunuar informacione të njëpasnjëshme. Vendosja e të zezës mbi të bardhë, do t’ju japë një ndjesi të madhe kontrolli duke i lënë vend vetëm relaksit, shpjegojnë ekspertët e gjumit.
