Zyrtarisht ka filluar sezoni i shalqirit. Prania e shalqirit në ngjarjet e verës, si ndejat me skarë, plazh apo piknik, ka qenë gjithmonë një gëzim. Ai ka një shije delikate, por të ëmbël dhe është një hidratues i këndshëm, pergatiti koha.net.
Shalqiri është një bimë lulëzuese dhe është me origjinë nga Afrika Jugore. Shalqiri është një pjesë aq e fuqishme e historisë afrikane sa që farat e tij janë gjetur madje edhe brenda varrit të Faraonit Tutankhamun.
Edhe pse është me origjinë nga Afrika jugore, shalqiri është kultivuar në Kinë që prej shekullit të 10-të. Pjesa më e madhe e shalqinjve sot kultivohen në Kinë. Ka shumë varietete të shalqirit dhe si i tillë, “mishi” i shalqirit, të cilin ne zakonisht e njohim si të kuq apo rozë, mund të jetë i verdhë, portokalli, ose i bardhë.
Kjo pemë duhet konsumuar, sepse është përgjegjëse për lloje të ndryshme të përfitimeve shëndetësore! Prandaj, konsumojeni atë këtë verë duke i shijuar disa nga këto përfitimet e mahnitshme shëndetësore:
- Likopena. Likopena, e cila gjendet edhe në domate, është një karotenoid fitonutrient që i jep një përmirësim të madh shëndetit kardiovaskular duke e përmirësuar shëndetin e eshtrave gjithashtu.
- Citrulina. Citrulina është një aminoacid të cilin organet tona mund ta konvertojnë në arginine. Nivelet e rritura të argininës kanë qenë të lidhura me shëndetin e përmirësuar kardiovaskular dhe qarkullimin e përmirësuar të gjakut. Nivelet e larta të argininës mund të jenë në gjendje ta parandalojnë grumbullimin e tepërt të yndyrës. Arginina gjithashtu është lidhur me një funksion më të mirë të veshkave, shërim të përmirësuar të plagëve, funksion të shëndetit imunitar dhe të hormoneve, dhe madje mund të ndihmojë edhe tek disfunksioni erektil.
- Vitamina C. A e keni ditur se në çdo fetë të shalqirit ka rreth 23.2 mg të vitaminës C? Përfitimet e vitaminës C janë të shumta dhe mund të përfshijnë parandalimin e defiçiencës imunitare, sëmundjet kardiovaskulare, sëmundjet e syve, rrudhat, etj.
- Kolina. Kolina, e cila gjendet në këtë pemë të shijshme, e ndihmon trupin tonë që ta luftojmë inflamacionin. Ajo gjithashtu na ndihmon të flemë më mirë, ta përmirësojmë kujtesën dhe të mësuarit, dhe ta përmirësojmë lëvizjen e muskujve.
- Fibrat. Për shkak se shalqiri është i mbushur si me fibra ashtu edhe me ujë, ai bën çudira për sistemin tonë të tretjes duke na ndihmuar që të kemi jashtëqitje të rregullt pa pengesa.
- Vitamina A. Shalqiri përmban vitaminë A, e cila na ndihmon t’i mbajmë të shëndetshme lëkurën dhe flokët, mes tjerash.
- Pak kalori. Shumë njerëz gabimisht supozojnë se shalqiri ka pak kalori, sepse ka vetëm ujë dhe sheqer. Kjo nuk është e vërtetë! Derisa shalqiri ka vërtet pak kalori, ai është i mbushur me ushqyes të shumtë që na ndihmojnë të jemi të shëndetshëm –duke na mbajtur të hidratuar dhe brenda një niveli të shëndetshëm të konsumit ditor të kalorive.
Shalqiri është një pemë freskuese dhe një ushqim çudibërës për shëndetin tonë. Kjo pemë ka fuqi të pabesueshme shëruese dhe parandaluese, kështu që sigurohuni të përfitoni nga sezoni i shalqirit, sa është këtu!
Ju mund ta hani vetëm shalqirin, por gjithashtu mund të konsideroni ta përdorni shalqirin për të bërë sallatë shalqiri, krem akulloreje me shalqi, lëng shalqiri, salsa shalqiri, shalqi të konservuar, shalqi-smoothies, limonadë shalqiri, sangria (pije spanjolle me verë dhe fruta) me shalqi, gazpacho me shalqi (supë e ftohtë pikante), byrek me shalqi etj. (b.an)
