7 marsi dita e mësuesit është një datë e cila kujton sakrificat dhe përkushtimin e mesuesve në kultivimin e dijes. Por ka mësues të cilët shkojnë pertej profesionit duke e shndërruar atë në një mision të shenjtë.
E tillë është dhe mësuesja Liljana Luani e cila prej më shumë se një dekade jep mësim aty ku liria është e mohuar. Ajo përveçse mësuese në shkollën “Pashko Vasa” jep mësim vullnetar në familjet të cilët vuajnë fenomenin e gjakmarrjes.
Ajo tregon momentin kur është betuar në heshtje se do i ndihmojë derisa të ketë fuqi këta fëmijë fatkeq. Liljana ka bërë ç’është e mundur dhe per integrimin e nënave të familjeve në gjakmarrje si hallkë kryesore për luftimin e këtij fenomeni.
“Unë e kam filluar nga Currajt në Tropojë, kam mbaruar 4 qarqe. Qarkun e Kukës-it, Dibrës, Shkodër dhe qarkun e Lezhës. Tani jam në qarkun e Durrësit, jam betuar në heshtje që do ta ndihmoj atë fëmijë dhe fëmijë të tjerë dhe më përfshiu pas një dekade, pothuajse 14 vite që unë merrem me këtë punë, jo vetëm tashmë me fëmijë problematikë me gjakmarrje por edhe komplet me problemet e familjarëve.
Mua forcë më ka dhënë jashtëzakonisht shumë familja ime por dhe një forcë të madhe më ka dhënë dhe komuniteti, i cili më mirëpret, më beson dhe më dëgjon fjalën. Tashmë un jam bërë pjesë e tyre. Ndërhyrja nga shteti, me politika sociale dhe politika e arsimimit me politika integrimi në njërën anë dhe reforma në anën tjetër, që dënohet ai që bën krimin dhe që pala tjetër të jetojë e lirshme këtu do të marrë fund gjakmarrja”, shprehet mësuesja Liljana Luani.
marre nga: http://shqiptarja.com/lajme_te_mira/2729/simboli-i-humanizmit-liljana-luani-m-suesja-e-t–ngujuarve-471994.html
