Kryetari i PD-së Lulëzim Basha e ka vlerësuar si skandaloze situatën në arsim, për shkak të mungesës së investimeve, premtimeve boshe dhe represionit të qeverisë mbi arsimtarët. Gjatë një takimi me mësues me rastin e 7 marsit, Basha ka bërë një analizë të situatës në të cilën gjendet sot arsimi shqiptarë duke evidentuar faktin se ka mungesë investimesh, mungesë sigurie për mësuesit dhe ambientet shkollore, si dhe emërim në postet drejtuese të arsimit të personave me precedent kriminalë. “Përparësitë maten me paratë. Qeveria aktuale premtoi shumë. Por sot pas 2 vitesh e gjysëm gjithshka ka humbur. Mijëra mësues janë nën preison, persekutim nga qeveria. Mësuesit çohen në zona ku nuk mund të shërbejnë më nën presionin e largimit nga puna. Ka presion për të bashkëjetuar me njerëz që nuk duhet të rrinë në zyrë sepse janë të dënuar për korrupsion etj.”, theksoi Basha. Sipas tij, në këto 2 vite e gjysëm nuk është ndërtuar asnjë shkollë e re, ndërsa shkollat e rikonstruktuara numërohen me gishtat e dorës. Basha nënvizoi se mësuesit gjenden në kushte të vështira, pasi qeveria ka vetëm fjalë të mëdha, por nuk ka punë fare. “Shkollat nuk kanë laborator. Janë bërë vetëm premtime boshe. Nxënësit sot përballen me pasojat e një trupe mësimore që gjendet nën terror. Shkollat janë shndërruar në qendra votimi për partinë në pushtet. Ngjarjet kriminale në shkolla janë rritur. Siguria e mësuesve është në nivelet të ulta. Kriminalizimi i jetës në Shqipëri nuk është më shumë i dukshëm sesa në shkolla. Qeveria po detyron mësuesit të ikin refugjat. Qeveria ka emëruar emblema të kurrupsionit dhe të dënuar në drejtimin e arsimit. Nuk ka reforma por ka antireforma, të cilat janë me pasoja të mëdha për vendin”, deklaroi Basha. Kreu i PD-së nënvizoi në fjalën e tij se forca politike që ai drejton do të ketë arsimin përparësi mbi të gjitha përparësitë. (javanews.al)
7 Marsi/ Basha: Qeveria shkatërroi e kriminalizoi edhe arsimin
TË FUNDIT
