Pijet alkoolike mund të shkaktojnë deri në shtatë lloje të ndryshme tumoresh, në gojë, në fyt, në laring, në ezofag, në mëlçi, në zorin e trashë dhe në gji dhe sa më shumë të pihet, aq më shumë shtohet rreziku.
Është kjo ajo që është zbuluar nga një studim i drejtuar nga Jennie Connor i University of Otago, në Zelandën e Re, i publikuar në revistën “Addiction”.
Drejtuesja e studimit, siç raporton noa.al, thotë se prej alkoolit ndodhin mesatarisht gjysmë milionë vdekje në vit për shkak të kancerit të stimuluar prej tij, thënë ndryshe 5.8% e të gjitha vdekjeve për shkak të tumorit në nivel global. Sipas Connor, sa më shumë gota kthehen, aq më shumë rritet rreziku.
Më tej nënvizohet specifikisht, se femrat që pinë mesatarisht dy gota alkool në ditë, qoftë birrë, verë apo pije të tjera rrezikojnë me 16% të vdesin prej kancerit të gjirit, ndërsa kush pi deri në 5 gota rrezikon me 40%.
Megjithatë studiuesit janë ende duke studiuar shkaqet pse alkooli është shkaktar i drejtpërdrejtë i tumorit, pasi dyshohet se dëmton kodin tonë gjenetik, duke stimuluar sëmundjen.
