Google ka pak ditë që ka bërë ndryshime rrënjësore në strukturën e kësaj kompanie. Tani kjo kompani do të jetë nën mbikëqyrjen e një kompanie mëmë siç është Alphabet cila drejtohet nga Larry Page dhe Sergey Brin.
Ndërkohë CEO i Google është vendosur Sundar Pichai i cili ka më shumë se një dekadë që është bërë pjese e Google. Shumë prej nesh ende nuk janë mësuar me idenë e CEO-s së ri ndaj dhe ne kemi listuar disa fakte interesante rreth tij për tu njohur më mirë.
Origjina nga Tamil Nadu
Pichai e ka origjinën nga Tamil Nadu, një nga 29 shtetet përbërëse të Indisë. Ai ka studiuar në Institutin e Teknologjisë Indiane Kharagpur ku u diplomua në nivel Bachelor.
Studioi në Stanford dhe Wharton
Gjithashtu ai ka qenë dhe student në Universitete prestigjioze siç janë Stanford dhe Wharton. Në Universitetin e Wharton në Pensilvani ai u dekorua dhe me çmime të ndryshme.
Përpara Google…
Përpara se të bëhej pjesë e stafit të Google, Pichai punoi në Applied Materials si inxhinier dhe më pas si këshilltar në firmën McKinsey & Company.
U punësua në Google në 2004
Në vitin 2004 Pichai u emërua si zëvendës president i menaxhimit të produkteve. Në këtë periudhë ai drejtoi skuadrën e Google Chrome dhe sistemit operativ Android. Megjithatë ai mori përgjegjësi dhe për produkte të tjera si Firefox, Google Toolbar, Desktop Search, Gadgets dhe Google Gears.
Lançoi Chrome
Në shtator të vitit 2008, Pichai debutoi suksesshëm me shfletuesin Google Chrome. Më pas, në më pak se një vit u lançua dhe sistemi operativ i bazuar në Chrome për kompjutera dhe laptop.
Drejtoi Google Apps dhe Android
Në vitin 2012, Pichai shtoi departamente të reja në drejtimin e tij, Google Apps. Një vit më vonë ai u vu dhe në krye të Android pasi CEO Andy Rubin dha dorëheqjen.
Me vizione të qarta dhe aftësi manaxhuese
Media amerikane e përshkroi atë si një njeri i qetë, më të folur të butë dhe krahu i djathtë i Larry Page. Pichai demostroi përkushtimin e tij gjatë punës në ekip nën drejtimin e Marissa Mayer, e cila në atë kohë ishte ekzekutive në Google. Sipas The Information, Sundar Pichai shpenzonte ore të tëra pa pushim për të plotësuar deri në fund çdo detyrë të tij dhe ekipit. Të gjitha këto aftësi, e bënë Page dhe Brin t’ja besonin atij drejtimin e kompanisë Google, shkruan cio.al
