Kishte paguar për pak dëfrim dy prostituta, por 68-vjeçari duket se do ta paguajë akoma më shtrenjtë qejfin. Nuk bëhet fjalë për para, por për ndëshkimin që e pret pasi është ndaluar nga policia në kushtet e flagrancës.
I moshuari nga Kamza me inicialet A.H, u ndalua në dhomën e motelit me dy prostituta të moshës 48 dhe 53-vjeçe me inicialet E.Q. e M.N.
Ato ishin paguar nga i moshuari për seks, aktivitet që e kryenin prej kohësh edhe me persona të tjerë. Shtetasja M.N, kishte marrë me qira dhomën e një moteli dhe atje priste të moshuarin së bashku me gruan tjetër.
Policia që kishte siguruar informacione për aktivitetin e dy grave që ushtronin prostitucion i vuri nën survejim. Sapo i moshuari hyri në dhomën e tyre, rreth orës 13.00 të së enjtes, policia ndërhyri dhe i arrestoi.
Sipas të dhënave shtetaset E.Q. dhe M.N. ushtronin prej kohësh prostitucion. Klientët e tyre të rregullt ishin kryesisht të moshuarit. Ato ushtronin aktivitetin kryesisht në zonën e Kamzës dhe në periferitë e Tiranës. /Javanews.al
