Një automjet i vjedhur në Bjellorusi është sekuestruar në pikën e kalimit kufitar të Kapshticës.
Efektivët e policisë kufitare kanë konstatuar se mjeti që rezultonte i shpallur në kërkim nga Interpol Bjellorusia, drejtohej nga një 61 vjeçar që po linte territorin shqiptar për të hyrë në Greqi, ku edhe banon.
“Specialistët për Hetimin e Krimeve të DVKM Korçë referuan materialet në Prokurori, ku filloi procedimi penal për shtetasin V. T., 61 vjeç, banues në Greqi, pasi në dalje të RSh-së, automjeti tip “Toyota” që drejtonte rezultonte i shpallur në kërkim nga Interpol Bjellorusia. Automjeti u sekuestrua në cilësinë e provës materiale.”
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
/a.r
