Fillon sot, nën masa të jashtëzakonshme sigurie, samiti evropian për 60-vjetorin e Traktatit të Romës, që krijoi komunitetin ekonomik evropian.
Në samit pritet të jenë shumë personalitete politike.
Po, çfarë është Traktati i Romës?
Gjashtë vendet anëtare, themeluese të Bashkimit Evropian, Belgjika, Franca, Italia, Luksemburgu, Holanda dhe Gjermania Perëndimore, nënshkruan Traktatin e Romës më 25 mars 1957, duke hedhur rrënjët e krijimit të bllokut të sotëm prej 28 vendesh anëtare.
Traktati që themeloi Komunitetin Ekonomik Evropian (EEC) si edhe një tjetër traktat, ai i krijimit të Komunitetit Evropian të Energjisë Atomike, hynë në fuqi më 1 janar 1958.
Paraardhësi i këtij blloku të ri ishte Komuniteti Evropian i Qymyrit dhe Çelikut (ECSC) i vitit 1951, që bashkoi tregun për dy lëndë të para që ishin baza e industrisë dhe rindërtimit të pas Luftës së Dytë Botërore.
Qëllimi i Traktatit EEC ishte krijimi i një tregu të përbashkët brenda 12 viteve.
Vendet anëtare ranë dakord për reduktimin e pengesave të brendshme doganore dhe promovimin e lëvizjes së lirë të njerëzve, të të mirave materiale, shërbimeve dhe kapitalit.
Ndërkohë, Traktati i Euratom-it formuloi rregullat për përdorimin civil të energjisë bërthamor
