Banorët e Skocisë së Re në Kanada (Nova Scotia) të moshës 63 dhe 64 vjeç do të jenë të parët që do të marrin vaksinën e Oxford-AstraZeneca duke filluar javën e ardhshme, sipas një artikulli në ”The Canadian Press”.
“13 000 doza të vaksinës do të administrohen në 25 vende në të gjithë krahinën duke filluar nga 20 marsi”, thanë zyrtarët e shëndetësisë.
Sipas zyrtarëve rajonalë, të gjitha rastet e reja të infektimeve me COVID-19 përfshijnë kontakte të rasteve të raportuara më parë, që përfshijnë variantin e identifikuar së pari në BM dhe disa raste me variantin e Afrikës së Jugut, megjithatë nuk ka asnjë shenjë të përhapjes në komunitet.
“Të gjitha vaksinat COVID-19 ofrojnë mbrojtje të mirë kundër sëmundjes”, tha Robert Strang, zyrtari kryesor shëndetësor i Skocisë së Re.
“Pasja e vaksinës AstraZeneca do t’ju lejojë të gjithëve të kenë një mundësi për t’u imunizuar”, theksoi ai.
