6 vendet ku transferohen super të pasurit
Britania e Madhe, Shtetet e Bashkuara, Singapori, Australia, Hong Kongu dhe Emiratet e Bashkuara, ndër më vendet më të kërkuara.
Thuhet se si në shtëpinë tëndë nuk ndihesh në asnjë vend tjetër të botës, por për super të pasurit e këtij planeti kjo shprehje nuk vlen. Milionerët që lëvizin nga njëri vend në tjetrin në kërkim të kushteve të jetës më të mira, kohët e fundit e kanë përforcuar këtë trend. Dhe për të jetuar sa më mirë, ata marrin edhe nënshtetësinë e vendeve ku transferohen, për të mos qenë miq në atë vend, por edhe për të përfituar të mirat që sjell pasaporta. Tani të shohim shtetet që ku milionerët transferohen më shumë, sipas një studimi të kalkuluar të The Economist për 15 vitet e fundit.
1 – Mbretëria e Bashkuar
Në krye të kësa liste është Mbretëria e Bashkuar, që është mjaft e shkëputur nga konkurrentët e tjerë. Milionerët që janë bërë nga anglezë janë plot 125.000. Ndërkohë, prej kohësh Londra po ristrukturohet për t’u bërë kryeqyteti botëror i klasës më të lartë, lagjia ku jetojnë të pasurit rusë, arabë, indianë dhe kinezë. Një formë globalizimi e veçantë që deri tani ka pasur sukses.
2 – Shtetet e Bashkuara
Medalja e argjendë shkon për Shtetet e Bashkuara të Amerikës me 52.000 ardhje. Ashtu siç dihet, të jesh një qytetar amerikan ke një pozicion të priveligjuar në pjesën tjetër të botës. Vlen edhe për super të pasurit, mijëra nga të cilët garojnë për rrugën e vështirë për të marrë pasaportën me yje dhe vija për t’u bërë pjesë e popullsisë të shtetit më të fuqishmë të kohës tonë.
3 – Singapori
Në podin më të ulët gjejmë Singaporin. Si Hong Kongu, edhe Singapori është në mes të Orientit dhe Perëndimit, dhe qëndron në baza të sigurta ekonomike duke pasur një stabilitet politik të lartë, një element shumë i rëndësishëm për ata që duan të investojnë. Për këtë arsye, në 15 vitet e fundit që janë marrë statistikat, janë bërë nënshtetas të Singaporit plot 46.000 milionerë.
4 – Australi
Milionerët që kanë marrë nënshtetësinë australiane janë 35.000. Ndërkohë, për të pestin vit radhazi Melburni është seleksionuar si qyteti më i jetueshëm në planet, një klasifikim që ka në vendet e para edhe shumë qytete të tjera kryesore australiane. Dhe jo vetëm kaq. Australia është një ndër të paktat kombe që gëzon një rritje ekonomike të pandëprerë, duke u bërë një destinacion shumë i kërkuar.
5 – Hong Kong
Në vend të pestë gjejmë Hong Kongun, me 29.000 milionerë. Një urë mes Perëndimit dhe Kinës, kryen gjithnjë e më shumë një funksion të çmuar për lidhjen e dy botëve. Në Hong Kong cilësia e jetës është shumë e lartë. Dhe kush merr pasaportën e Hong Kongut nuk i duhet të zbatojë rregullat e ashpra që kalojnë ata që kanë në xhep vetëm pasaportën e Republikës Popullore të Kinës.
6 – Emiratet e Bashkuara Arabe
Në vendin e gjashtë gjejmë Emiratet e Bashkuara Arabe me 18.000 mijë qytetarë të pasur. Në dy dhjetëvjeçarët e fundit, Dubai është afirmuar si një kryeqytet financiar global dhe një nga qendrat më të mëdha të me stil perëndimor të botës arabe, duke ofruar lukse të shtrenjta për ata që duhen të bëhen pjesë e këtij shteti.
