Është “The Huffington Post” e cila ka renditur në faqen e saj vëndet ku të vallëzosh do me thënë të bësh dicka ilegale. Që të vallëzosh në ambjentet e këtyre vëndeve, duhet një liçensë.
Është Japonia, ku ndalimi i vallëzimit ka ndodhur që nga vitet 1940, kur klubet e natës që vepronin në atmosferen që zotëronte pas luftës, u kthyen në vatra të prostitucionit. Në fund të shekullit të 20-të, policia shpesh ka bërë një sy qorr ndaj vallëzimeve të paligjshme pas mesnate në klubet pa leje . Për fat të mirë në Tokio të Japonisë do të zhvillohet Olimpiada, në vitin 2020 e qeveria do të ketë mundësinë të provojë se Japonia është një vend i bukur e ofron shumë.
Kuvajti është një tjetër vënd ku ndalohet vallëzimi në ambjente të paliçensuara. Vendi arab merr një pamje të rreptë ndaj vallëzimi në publik, me rregulla të hollësishme. Kritikët thonë se ligji ka rënë pre e kthetrave e shtrëngimit që vjen nga vija e ashpër e islamizmit. Anëtarë të shquar të parlamentit të Kuvajtit, njëri prej anëtarëve të shquar të parlamentit të Kuvajtit, Nabil al-Fadhl, aktualisht është duke luftuar për të legalizuar përveç vallëzimit, edhe shitjen e alkoolit në vend.
Marrëdhënia e Afganistanit me vallëzimin nuk ka qenë gjithmonë aq e turbulluar. Por në kohët e fundit, i vetmi lajm që lidhet me vallëzimin në vend është i tmerrshme. Në vitin 2012, kryengritësit talebanë prenë kokën 17 vetëve , për shkak të faktit, – tha një zyrtar i qeverisë – se ata ishin duke dëgjuar muzikë dhe duke vallëzuar. Në kushte normale, vallëzimi me siguri mund të jetë terapeutik, ndërsa gjendja aktuale e formës së artit është vetëm një tragjedi më shumë.
Irani është një tjetër vënd ku vallëzimi në ambjentet publike është i ndaluar. Kufizimet në ditët e sotmë, përsa i përket vallëzimit, janë në kundërshtim me historinë e Iranit, si një qendër kulturore, e njohur jo shumë kohë më parë për kompaninë e baletit më të njohur në Lindjen e Mesme.
Por as Europa nuk është e gjitha argëtim dhe lojëra. Për dekada me radhë, në pjesë të ndryshme në Gjermanindalohet vallëzimi kur është festa e Pashkëve. Një ligj ky shumë i debatuar në mbarë vendin, i cili ndalon vallëzimin nga respekti përrëndësinë fetare të festës. Në Berlin bëhën përpjekje çdo vit për të kundërshtuar një ligj të tillë, i cii bie ndeshme imazhin e vëndit në botë.
Gjithashtu edhe në Suedi, në pjesë të nryshme të saj, vallëzimi publik pa një liçensë është i ndaluar , pa marrë parasysh sezonin. Bare, klube dhe restorante duhet të të kërkojnë një licencë për të mundësuar klientët për të kërcyer . Edhe lëvizja e këmbëve sipas muzikës është konsideruar e paligjshme, sipas raportimeve. Ashtu si në Gjermani, edhe në Suedi ndalimi ivallëzimit është konsideruar më shumë një ana- kronizëm se sa një kërcënim i vërtetë për ata që duan të vallëzojnë. /ATA
