Të paktën 6 persona janë lënduar nga aksidenti i rëndë i ndodhur sot në Tiranë, ku një autobus i linjës së Unazës së Re është përplasur me një makinë dhe si pasojë të dyja kanë përfunduar në lanë.
Autobusi dhe makina kanë rënë të dy në lanë. Rrotat e autobusit shihen sipër makinës së fundosur. Të lënduar nga aksidenti janë 4 persona nga autobusi dhe 2 nga makina “Benz”.
Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën pasagjerët e automjetit që u përplas me autobusin.
Grupi hetimor ndodhet në vendngjarje dhe po punon për sqarimin e rrethanave të aksidentit.
Aksidenti ka ndodhur rreth orës 20:10, në afërsi të Kinema Agimi, ku autobusi është përplasur me Benzin, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.
g.kosovari
