6 persona të arrestuar në Durrës, 4 për dhunë në familje

Gjashtë persona janë vënë në pranga, pasi kanë ushtruar dhunë ndaj familjarëve të tyre dhe drejtim i makinës pa patentë e në gjendje të dehur.

Për veprën penale “Dhuna në familje” policia e Durrëst arrestoi:

-26-vjeçarin me iniciale E. Xh., banues në Durrës, pasi ka ushtruar dhunë ndaj babait të tij;

-48-vjeçarit B. C., banues në Durrës, pasi ka ushtruar dhunë ndaj bashkëshortes së tij;

-37-vjeçarit E. P., banues në Golem të Kavajës, pasi ka ushtruar dhunë ndaj nënës së ish-bashkëshortes së tij;

-33-vjeçarit me iniciale F. M., banues në Durrës, pasi ka ushtruar dhunë ndaj bashkëshortes së tij.

Gjithashtu edhe dy persona të tjerë u vunë në pranga për veprën penale “Drejtimi i mjeteve në mënyrë të parregullt”:

-44-vjeçari me iniciale S. M., banues në Durrës, pasi u kap nga shërbimet e Policisë Rrugore duke drejtuar automjetin, në gjendje të dehur.

-23-vjeçari e iniciale R. K., banues në lagjen nr. 14 Durrës, pasi u kap duke drejtuar automjetin pa leje drejtimi.

Materialet i kaluan Prokurorisë, për veprime të mëtejshme.